A agricultura é un dos sectores socioeconómicos fundamentais do municipio de Cambados, con máis de 63 hectáreas dedicadas ó pequeno cultivo. A producción de viño albariño converteuse nos últimos anos en factor esencial de prosperidade, con 487 hectáreas de viña e case 2.000 viticultores dedicados a este cultivo. O término municipal conta con vintedúas adegas de albariño e as tres cooperativas máis importantes da denominación de orixe Rías Baixas. Cambados está recoñecida como a Vila do Albariño, precisamente, polo seu peso no sector vitivinícola e por ser a xénese da decana das festas ibéricas adicadas a un viño, a cal prestixiou este caldo a nivel internacional.

 

    

En relación á horta, outro sector punxente, hai máis de 300 familias dedicadas ó cultivo das 63 hectáreas de terreo (24 hectáreas baixo cuberta e outras 39 ó aire libre). Só as dúas cooperativas hortícolas de Cambados facturan anualmente máis de 3,5 millóns de euros, ós que se engade outro millón dunha nova cooperativa de servizos dedicada ó abastecemento de abonos, sementes, sulfatos, etc. Estes datos expoñen claramente o peso específico do agro no desenvolvemento social e económico de Cambados.