Cambados foi dende sempre un núcleo comercial, a principios do século XVII na Praza de Fefiñáns, antiga praza do Mercado, celebrábase o mercado tódalas cuartas feiras (mércores), e tamén os domingos ata os anos 60 do século XX. Na praza de Rodas, antiga praza Diaria, era onde se vendía o peixe e as verduras tódolos días, de aí o seu nome, ata a construcción da actual praza de abastos. A carón da Rodas está a praza da Leña, que recibe o seu nome porque era o lugar onde se vendía a diario palla e madeira.

En torno a estas tres prazas atópanse a rúa Real e a Príncipe que eran as máis comerciais de Cambados, pero a elas fóronse unindo outras ó longo dos anos cara o centro da vila como as rúas lindeiras coa Casa Consistorial, as avenidas de Vilariño e Galicia, a praza de Ramón Cabanillas,  a Rúa Nova e outras próximas á actual praza de abastos.

 

 

      

 

Na actualidade, e en colaboración coa administración local, dende decembro do 2002 contamos con Cambados Zona Centro, unha asociación que agrupa tódalas rúas comerciais do centro da Vila. www.cambadoszonacentro.com  
Os anos de experiencia e os coñecementos dos nosos comerciantes, sempre adaptando a súa oferta ós novos tempos, o trato personalizado ós clientes, a calidade dos productos e  a diversidade de ofertas fan que este sector sexa un dos motores económicos da Vila.