Dende o ano 2002 a Oficina de Rehabilitación ven desempeñando unha importante labor de recuperación, conservación e valorización do Patrimonio Histórico construido e dos espazos urbanos tradicionais. O noso obxetivo é implementar actuacións de rehabilitación e de renovación urbana co fin de mellorar a calidade das condicións de vida dos cidadáns, mellorar o escenario urbano no que convivimos e favorecer a reactivación económica, social e cultural do noso Concello.

 

   

AS NOSAS FUNCIÓNS

-    Memorias e Proxectos Técnicos de Restauración e Rehabilitación de vivendas.
-    Proxectos Técnicos de Renovación de rúas e espazos públicos.
-    Información e asistencia técnica: materiais máis idóneos, tratamentos, sistemas construtivos, instalacións, empresas especializadas, prezos de mercado. Asesoramos para que a súa rehabilitación conte con todas as garantías de calidade.
-    Información urbanística e asesoramento administrativo: Plan Especial de Protección do Conxunto Histórico, Comisións de Patrimonio, normativas urbanísticas, procedementos administrativos para acadar os permisos para unha obra de rehabilitación.
-    Calquera proxecto ou acción dirixida á conservación, recuperación, valorización do Patrimonio Histórico Municipal.
-    Elaboración de informes, memorias valoradas, reportaxes fotográficas, cartografía, planimetrías, etc.

AS AXUDAS

Xestión e tramitación das axudas económicas para a rehabilitación de edificios e vivendas incluidas na Área de Rehabilitación (ARCH), no marco dos diversos Acordos de Colaboración entre o Ministerio de Vivenda, a Xunta de Galicia e o Concello de Cambados.
Xestión e tramitación da Cédula de Rehabilitación de Calidade, e axudas asociadas, para edificios e vivendas situadas no Conxunto Histórico e nos Núcleos Rurais (Decreto 157/2006 da Xunta de Galicia).

Información e asesoramento sobre outras axudas públicas en materia de vivenda: rehabilitación de edificios fora do Centro Histórico, infravivenda, compra de vivenda protexida, vivenda de aluguer, etc.

 

AS ACTUACIÓNS PROTEXIBLES

Actuacións prioritarias

- Rehabilitación Integral e erradicación de infravivendas.
- Restauración, Consolidación ou Reforma de Fachadas: limpezas, revocaduras, pintura, pedra, carpintarías.
- Restauración ou substitución de Cubertas; canalóns e baixantes.
- Mellora das condicións construtivas e estruturais.
- Acaemento das condicións de illamento térmico e acústico, estanqueidade fronte á chuvia, e obras que supoñan unha mellora da eficiencia enerxética.
- Supresión de barreiras arquitectónicas para as persoas con discapacidade e persoas maiores.

Outras actuacións

- Acondicionamento interior: paredes, escaleiras, solados, tabiqueiría, alicatados, etc.
- Adecuación de instalacións: auga, saneamento, electricidade, calefacción, servizos hixénico-sanitarios, etc.