PROTECCIÓN CIVIL DE CAMBADOS.

Protección Civil é un servizo público. Na súa organización, funcionamento e execución participan as diferentes administracións, así como os cidadáns, mediante o cumprimento dos correspondentes deberes e a prestación da colaboración voluntaria. A acción permanente das administracións públicas no eido da Protección Civil oriéntase ó estudo e prevención das situacións de grave risco, catástrofe extraordinaria ou calamidade pública que fagan perigar a integridade física das persoas.

A Agrupación de Voluntarios de Protección Civil constituíuse en 1995. Na actualidade ocúpase do servizo de extinción de incendios e salvamento. Para iso conta cunha serie de recursos humanos e materiais para rescates, incendios, accidentes de tráfico ou salvamento subacuático.

A Agrupación conta con 18 voluntarios, baixo a presidencia de David Serantes Sabaris. Ademais das funcións propias, a Agrupación realiza ó longo do ano diversas actividades de información sobre primeiros auxilios e emerxencias para varios colectivos, principalmente asociacións de mulleres, da terceira idade e centros escolares. Do mesmo xeito, colabora nas actividades lúdicas e deportivas que se celebran na localidade. Calqueira cidadán de Cambados,  maior de 16 anos, pode colaborar coa agrupación e prestar un servizo de voluntariado.

CONTACTO:
A agrupación de Prorección Civil ten a súa base na lonxa vella de Cambados, fronte a Casa do Mar e preto do Centro de Saúde.
O teléfono de contacto é o 986 524 950.