SERVIZO MUNICIPAL DE AUGAS.

1. EVOLUCION DO ABASTECEMENTO
Nun principio, o suministro de auga potable de Cambados proviña dunha captación de mananciais situados en Tremoedo; este servizo era limitado pola escaseza do caudal para unha poboación en crecemento. Só  existia un depósito situado na zona da Modia.
Posteriormente construiuse a ETAP da Mancomunidade do Salnés, finalizada en agosto de 1990, o cal provocou que o suministro principal se realizase desde esta ETAP mancomunada.

2. ABASTECEMENTO DE AUGA POTABLE
Esquema de instalación do abastecemento.

3.FONTES DE SUMINISTRO:

Mananciais de Tremoedo.
A captación faise en mananciais cun bombeo ata o depósito de Cambados, o cal  posúe un caudal de 6 l/s e unha altura manométrica de 25 metros.

Auga en alta da Estación Depuradora da Mancomunidade do Salnés.
Os depósitos de Cambados e de Castrelo abastécense a través de senllas tuberías de 400 mm e de 250 mm. Deseguido, a auga condúcese ata a base do depósito onde é impulsada por un bombeo de caudal 11l/s e unha altura manométrica de 25 m.
Asimesmo, para o almacenamento de auga tratada disponse de dous depósitos cunha capacidade total de 3.500 m3 ubicados en diferentes puntos da rede de distribución,  e cunha lonxitude de 86,3 Km.

4. USUARIOS:
A totalidade da auga que consume Cambados procede da compra á Mancomunidade do Salnés e dos Mananciais. Na actualidade, abastécese a todos os núcleos e parroquias do municipio acadando o 75% das vivendas, xa que  o 25% restante sírvense directamente mediante pozos propios.

5. CONTACTO:
Para xestionar a contratación do servizo, dar unha alta, a baixa, cambio de titularidade ou as reclamacións Acuagest ten ás oficinas na Rúa Ourense 8, en horario de mañá desde as 10h ata as 14h. O teléfono de contacto para os usuario é o 986 524 923.