SERVIZO DE RECOLLIDA DE RESIDUOS SÓLIDOS URBANOS E VOLUMINOSOS

O Concello de Cambados, comprometido co medio ambiente, ten a disposición de todos os veciños distintos servizos de recollida de residuos tanto sólidos ou urbanos, como aqueles considerados voluminosos ou "contaminantes".

Por unha banda, e distribuidos por todo o municipio, existen contedores de recollida selectiva diferenciados por cores:

•    Verde: recollida de residuos sólidos urbanos, refugallos e detritos de orixe doméstica ou comercial.
•    Amarelo: contedor para o depósito de plásticos, tetrabriks, e latas.
•    Azul: Recollida de papel e cartón.

Na zona urbana, a recollida de residuos sólidos faise a partir das 21 horas agás nos meses de xuño a setembro que comeza  despois das 23 horas. Asímesmo, é de obrigado cumprimento non depositar os residuos nos contedores ata unha hora antes do inicio da súa recollida.

RECOLLIDA DE RESIDUOS VOLUMINOSOS.

O Concello de Cambados conta cun servizo especial de recollida de residuos voluminosos a domicilio que é gratuito, e ten como finalidade a recollida de tódolos enseres propios dunha vivenda, como mobles, electrodomésticos e outros obxetos. Non entendéndose como tales o cartón, o vidro, a roupa ou o papel.

O servizo de recollida a domicilio realízase dous días á semana, na madrugada do Martes e do Venres, previo aviso nas oficinas municipais que se pode facer ben chamando ó teléfono 986 520 902 e marcando as extensións 720 ou 721, ou ben achegándose polas oficinas municipais no departamento de obras.

Asemade, no Polígono Industrial de Sete Pías atópase o Punto Limpo que está aberto para todos os cambadeses ós luns, mércores e sábados. O horario de apertura é de 9.00 a 13.00 horas e o persoal municipal indicaralle onde facer o depósito dos residuos según as súas características.