Ver todas as novas do día...

  • Foto da nova

    Asamblea AENOTUR Viana do Castelo

    Na asemblea que se celebrou onte en Viana do Castelo e que antecede o Congreso Internacional de Enoturismo que se celebra en Viana do Castelo durante o día de hoxe, foi electa a nova xunta directiva da asociación, que integra o alcalde de Viana do Castelo e o secretario-xeral da Asociación de Municipios Portugueses do Viño, a Asociación ITER VITIS e da Citta Del Vino, o Vicepresidente da AENOTUR da América Latina, o Presidente da ITER VITIS de Francia, a Aenotur do Uruguai e o directo do Instituto Brasileiro do Viño.

    Fundada a 7 de maio de 2014 no Municipio de Cambados, contando con promotores de Europa e Latino América, Aneotur esta formada por municipios e entidades xestoras de turismo vinculadas á cultura do viño e promotoras de rutas dos viños. Defende as actividades agrícolas e a sustentabilidade dos recursos para dinamizar o sector vinícola e considera que o patrimonio histórico e etnográfico, que rodea o mundo do viño, merece todos os esforzos necesarios para a súa conservación e divulgación.

    Entende que a calidade, o coñecemento, o traballo ben feito e a excelencia son valores que contribúen para dinamizar o sector e para xerar riqueza no territorio e que o viño é un ben cultural e un alimento de alta expresión.A partir de agora, vai ter sede en Viana do Castelo, no edificio do antigo hospital na praza da Herba e que foi onte inaugurado, anticipando o Congreso Internacional de Enoturismo, organizado por AENOTUR en colaboración e co apoio de municipios de Portugal e España.

    O Congreso vai realizarse até o sábado nos municipios do norte de Portugal (Viana do Castelo, Ponte da Barca, Ponte de Lima, Melgaço, Monção) e de España (Cambados), sendo a continuación do 4º Congreso Latino Americano de Enoturismo celebrado en 2014 no Brasil, que estudou a oferta de enoturismo. Este ano, o Congreso vai tratar a procura de enoturismo en Europa, en mercados emerxentes e na internet, con enfoque no Reino Unido, Francia, Alemaña, Brasil, China, Xapón e Rusia.

    Os obxectivos do Congreso responden a tres necesidades: facilitar información útil e coñecemento a entidades locais e empresas de enoturismo, para axudar a decidir, promover a súa oferta de enoturismo nos países enfocados; facilitar unha rede de network con especialistas, profesionais e medios de comunicación online moi importantes para o desenvolvemento dunha estratexia internacional de enoturismo; e promover boas prácticas e ideas para a creación de empresas do viño e destinos para turistas dos mercados enfocados.Os oradores van ser especialistas nos países tratados, profesionais e tour operadores do Reino Unido, Francia e Alemaña, e importantes profesionais de comunicación online sobre turismo e turistas de viño en Europa.

    LER MÁIS

  • Foto da nova

    I XINKANA FOTOGRÁFICA LITERARIA

    Dende a Concellería de Ensino, Patrimonio e Cultura do Concello de Cambados, o seu responsable Victor Caamaño presenta a programación de actividades lúdicas que este verán terán lugar na biblioteca municipal Casa dos Fraga e nos centros culturais.

    O obxectivo das mesmas é axudar ás familias cambadesas na conciliación da vida familiar e laboral, ofertando á vez, propostas divertidas e didácticas para os rapaces durante as vacacións de xullo e agosto.

    A biblioteca municipal Casa dos Fraga, xunto coas axencias de lectura das parroquias, ofertará un nutrido abano de obradoiros e xogos polas mañás, de 10.00 a 14.00 horas, de luns a venres, para nenos a partir de primeiro de primaria. 

    En todos os centros realizarase a actividade “EnREDamos cos ordenadores”  para que os nenos se divirtan á vez que amplían os seus coñecementos na informática, a internet e a mecanografía. Haberá tempo tamén para o apoio escolar con “Repasamos no verán” e “ L-emos!” un obradoiro para dinamizar a lectura en papel e coas novas tecnoloxías para lectores principiantes, todavía coa “L” ás costas.

    Na Casa dos Fraga realizaranse obradoiros gratuítos de línguas (inglés e francés). Ademais, e de cara a ampliar a oferta, poderán ter a opción de inscribirse en talleres de pago (cun pequeno custo) que se manteñen dada a boa acollida dos últimos anos.

    -O de Xadrez, os luns na Casa dos Fraga.

    -E un de cociña, con receitas baseadas nos contos que leva por nome “Pequechefs de conto!”, que se realizará na aula de catas do Salón de J. Peña durante os martes de xullo e agosto.

    Ademáis ofertaranse as seguintes actividades subvencionadas grazas ao programa Ler conta moito, da Xunta de Galicia:

    -Xincana fotográfica de Ramón Cabanillas os venres 3 e 10 de xullo para fotografar a pegada do bardo de Fefiñans na vila cambadesa.

    -Contacontos “Moito conto” de Cucarandainas, o venres 17 de xullo en Torrado.

    -Obradoiro de Debuxo Manga, o 24 de xullo, para descubrir a banda deseñada nipona.

    Este ano, tamén se volverá a colaborar co Refuxio de Animais que realizarán dúas actividades cos rapaces os xoves:

    -A patrulla ambiental polas rúas de Cambados

    -E un taller de animación á lectura con cans que leva por nome “Guau que contos!”

    As inscricións para estas actividades iniciáronse xa o luns 22 de xuño pero todavía hai algunas prazas dispoñibles. Os interesados poden achegarse polas mañás á Casa dos Fraga en horario de luns a venres de 9.00 a 14.00 horas, e a partir do 1 de xullo nos respectivos centros culturais.

    Para máis información poden contactar co persoal do Departamento de Cultura no teléfono 986 520 008, ou no 986 520 902 ext. 764 e 765.

    LER MÁIS

  • CONXUNTO HISTÓRICO

    Cambados posúe un Conxunto Histórico que foi declarado Ben de Interese Cultural. É un dos mellor restaurados de Galicia. O patrimonio cambadés loce pazos e casas nobles, esculturas deseñadas por grandes artistas e pezas de arte popular, prazas e rúas empedradas, un pracer para quen ama a arte e a historia.

  • Albariño

    Cambados tamén é coñecida como a Capital do Albariño, pois o cultivo e a exportación do viño danlle renome a nivel mundial. Aquí creouse e impulsouse a Denominación de Orixe Rías Baixas, que controla e mellora a produción vinícola para a súa exportación aos principais mercados.

  • Gastronomía

    A calidade dos peixes e mariscos, así como dos froitos da horta, converten á gastronomía nun dos sectores básicos da economía cambadesa. A degustación de produtos típicos da ría de Arousa, regados cun aromático Albariño, é un dos sinais peculiares que distingue a este municipio.

  • Festas

    Durante todo o ano en Cambados desenvólvense programas de actividades festivas e culturais. Hai concertos de primeiro nivel, danza e teatro, festivais folclóricos, exposicións de arte, deportes, espectáculos ao aire libre... Os visitantes intégranse no ambiente con gran facilidade, grazas á acollida da xente.

  • Natureza

    Outro dos grandes praceres de Cambados consiste en percorrer a costa a través de paseos marítimos, ou sendeiros naturais dende onde se contemplan frondosas paisaxes e as míticas postas de sol. Resulta agradable achegarse á praia para observar ás mariscadoras recollendo moluscos.

  • Museos

    En Cambados pódense visitar catro museos: o Museo Etnográfico e do do Viño, o Muiño de Mareas de A Seca, a Casa Museo do Pescador e a Casa Museo do gran poeta Ramón Cabanillas.