Ver todas as novas do día...

  • Foto da nova

    CONTOS SOÑADOS O SÁBADO NA BIBLIOTECA LUÍS REI

    Mañá sábado 24 de setembro ás 12:00 horas, Miguel Angel Alonso Diz presenta na Biblioteca Municipal Luís Rei os seus Contos Soñados. Non perdades esta ocasión para disfrutar da maxia das súas obras!

    Sherezade achegará ao auditorio a un mundo cheo de aventuras, cores e perigros con 'Contos soñados', un espectáculo que xoga coas palabras.

    Con esta actividade, Miguel achéganos un mundo cheo de fermosas historias baixo a premisa de que os contos non hai que contalos, hai que vivilos.





    LER MÁIS

  • Foto da nova

    CAMBADOS COMPLETA A PROGRAMACIÓN DE CULTURA NO CAMIÑO 2016 CO ESPECTÁCULO DE MAXIA ANIMAGICUS

    Concello de Cambados ofrecerá, este domingo 25 de Setembro na Praza do Concello, a actuación da compañía de maxia “Duende Sico” e o seu espectáculo Animágicus.


    Este ciclo de Cultura no Camiño 2016 que se iniciou co concerto de Roi Casal no mes de Agosto completase coa actuación da Compañía de Maxia “Duende Sico” e o seu espectáculo Animágicus.

    A Praza do Concello acollera este Domingo 25 de Setembro as 19:00 un espectáculo para público infantil e familiar cheo de emocións, trucos, bromas, sorpresas, interacción co público, música en directo, títeres máxicos, varas sorprendentes, espadas encantadas, cordas tolas, cartas xigantes…. Que en caso de choiva trasladarase o Auditorio Municipal da Xuventude.

    Esta actuación acóllese dentro do programa "Cultura no Camiño 2016" que se desenrola grazas a colaboración do Agadic e a Axencia de Turismo de Galicia.






    LER MÁIS

  • CONXUNTO HISTÓRICO

    Cambados posúe un Conxunto Histórico que foi declarado Ben de Interese Cultural. É un dos mellor restaurados de Galicia. O patrimonio cambadés loce pazos e casas nobles, esculturas deseñadas por grandes artistas e pezas de arte popular, prazas e rúas empedradas, un pracer para quen ama a arte e a historia.

  • Albariño

    Cambados tamén é coñecida como a Capital do Albariño, pois o cultivo e a exportación do viño danlle renome a nivel mundial. Aquí creouse e impulsouse a Denominación de Orixe Rías Baixas, que controla e mellora a produción vinícola para a súa exportación aos principais mercados.

  • Gastronomía

    A calidade dos peixes e mariscos, así como dos froitos da horta, converten á gastronomía nun dos sectores básicos da economía cambadesa. A degustación de produtos típicos da ría de Arousa, regados cun aromático Albariño, é un dos sinais peculiares que distingue a este municipio.

  • Festas

    Durante todo o ano en Cambados desenvólvense programas de actividades festivas e culturais. Hai concertos de primeiro nivel, danza e teatro, festivais folclóricos, exposicións de arte, deportes, espectáculos ao aire libre... Os visitantes intégranse no ambiente con gran facilidade, grazas á acollida da xente.

  • Natureza

    Outro dos grandes praceres de Cambados consiste en percorrer a costa a través de paseos marítimos, ou sendeiros naturais dende onde se contemplan frondosas paisaxes e as míticas postas de sol. Resulta agradable achegarse á praia para observar ás mariscadoras recollendo moluscos.

  • Museos

    En Cambados pódense visitar catro museos: o Museo Etnográfico e do do Viño, o Muiño de Mareas de A Seca, a Casa Museo do Pescador e a Casa Museo do gran poeta Ramón Cabanillas.